Sujet vom Faasnachts-Comite

NÄBE DE SCHIINE Fasnacht vom 14.-16. Februar 2005

Dass d BVB mit Dramm und Kaare punggto Route, punggto Zyt, amme nääbeduure faare wisse z Baasel alli Lyt.
Stuurzhelm bruucht men im Combino, und me faart drum fascht scho gäärn in den allerletschte Dino-Saurier, vertleent us Bäärn.
Aber wemmer d Faasnacht blaane und uff d Süüschee-Suechi geen, sinn s nit numme d Stroossebaane wo näben iire Schiine steen.
Au e mänggi Wirtschafts-Fierig schmaisst dr Kaare us em Glais, und nadyrlig soorgt d Regierig jeedes Joor e bitz fir Mais.
An dr Faasnacht sait men iine, was men anderscht mache sott, und zwoor drei Dääg «NÄBE DE SCHIINE» mit Ironyy und Witz und Spott.
D Blaggedde zaigt is dyttlig hitte wie unseri Faasnacht sich bemiet und uff iiri Art dä Schlitte wider zrugg uff d Schiine ziet.
Mer mechte gäärn an jeedem Tschoope das Junteressli-Drämmli gsee.