Sujet vom Faasnachts-Comite

BL       Bääse, Füür, i kchenn kei Schmäärz.

BS      Und was sait drzue dy Häärz?

       Einsam ischs bim Waagebau.

BS      Also dorum: „Buur suecht Frau“?

BL       E Stedtere! Jä, hei die Charme?

BS      Die kemme wien e Biine-Schwarm.

BL       Halt, i ha doch eini kchennt.

BS      Und vo däre hesch di trennt.

BL       Gopferdori, machsch mi schyssig?

BS      Joo, syt achtzähdreiedryssig.

BL       Dasch doch schon e Wyyli häär

BS      Und s Bortemonee isch jetze läär.

BL       Du loos, i han e Maitli gsee.

BS      Jä, z Basel unde? Wottsch jetz mee?

BS      Z Basel an mym Rhy

            frogsch si also gly

BL       Sääg emool chunnsch du zu mir

            oder gönge mir zu dir?öäärnli.

BL/BS Mir wei zäämme, mir wänn zämme sy!

BL       Z Lieschtel? – Meinsch du ihre gfallts?

BS      Nai, si will mit dir uf d Pfalz.

BL       Mir zünde zerscht dr Bääse

            und denn s Ladäärnli aa.

            Mer hoffe, dass dä Funkche

            d Idee entflamme chaa.

            Zerscht s Füür bi öis im Stedtli

            do wärde beidi bleich

BS      und zämme denne ab in d Stadt

            s isch ändlig Morgestraich!

BL       Die Baslere, die isch my Spätzli

BS      Ischs ächt mee als s Fasnachts-Schätzli?

BL       Hejoo drnoo, i will si nää

BS      und das wird no Theater gää.

BS      Erschte Aggt: me mues si haa!

            Si isch vom Walter Kurt, däm Maa.

            Und s Comité sait, s mues so sy

            vo Schönebuech bis do am Rhy,

            sygs am Tschoope, sygs am Graage

            sottsch d Blaggedde immer draage!

SFasnachts-Comité