Sujet vom Faasnachts-Comite

"D Strooss gheert uns!»" Fasnacht vom 26.-28. Februar 2007

E jeedi Strooss in Baasel, jeedi Gass und jeedi Matte erinneret an Gschicht und gscheiti Lyt und Traditioon. Mer daufe Grääbe, Stääge, Promenaade, Wääg, Rabatte. Es git sogaar e Baasler Stroossenamme-Findigskommissioon, und die erfindet jeedes Joor e Dotzed neyi Nämme. An jeede Meeter Makadam wird hit e Namme ghänggt. Nummen an ebbis, und doo sotte mer is wirgglig schämme, an unseri Faasnacht nämmlig, het bis hit no niemerts dänggt. Denn, wenn das zimftig Gwitter iber Basel yynebrääglet und s Faasnachtsfieber-Thermomeeter styggt bi Grooss und Glai,
wenn s Faarbe, Muusig, Räppli, Väärs, uff alli Gasse räägnet, denn waiss me z Baasel wider: D STROOSS GHEERT UNS – uns ganz ellai!