Sujet vom Faasnachts-Comite

"Jetz simmer laggiert!" Fasnacht vom 2.-4. März 2009

Laggiert simmer alli, muesch wisse.
Laggiert haisst drum au: Mer sinn bschisse,
und daas hämmer s letscht Joor jo gspyyrt.
Was d Bangge und d Wirtschaft is bschäärt hänn,
d Babyyr, wo kai Santym me wäärt hänn,
und kain me, wo ebbis verstyyrt.
Doch daas, wo dr Wäärt no ka bhalte,
und s Portefeuille no poositiv gstalte,
isch s faasnächtlig Eedelmetall.